Tension në Gjirin Persik, anija iraniane i afrohet me shpejtësi asaj amerikane

22:25 | 26 Prill 2017
Trina Galanxhi

Një luftanije e marinës amerikane pati një tjetër “takim të afër” me një nga anijet e gardës revolucionare të Iranit,  në Gjirin Persik të hënën.

Dy zyrtarë amerikanë thanë për “ Fox News” se anija iraniane iu afrua tej mase me armët e drejtuara, duke i qëndruar vetëm disa metra larg.

Zyrtarët thanë se ndryshuan  kursin për të shmangur luftanijen iraniane, duke lëshuar sinjale rreziku dhe duke gjuajtur fishekzjarre, si dhe duke mbajtur gati armët.

Pas kësaj, anija iraniane raportohet se nuk u afrua më shumë dhe nuk qëlloi  me të shtëna paralajmëruese.

“Duke ardhur me një shkallë të lartë të shpejtësisë si dhe duke mbajtur armë, pavarësisht paralajmërimeve të qarta, anija iraniane shfaqi padyshim sjellje provokative“, tha një zyrtar amerikan duke përshkruar incidentin.

Shpërndaje në rrjete sociale

Lajmet më të lexuara

Të ngjashme

Foto lajm